Ratsada

Kailangan ko ng face mask. Sinisipon mga kasambahay ko. VIRUS ALERT!!!

***

Gusto mo ng "gamitan" experience? Add mo ko sa Facebook account tas invite kita sa Mobwars tas accept mo ha tas pag magkakampi na tayo, delete na kita sa list ng Friends ko. Sa maniwala ka man o hindi, 'yan ang sistema sa lahat ng Facebook game applications.

***

What is love? Hindi ko alam kung ito na yung pakiramdam nung tumigil ang paggalaw ng mundo nang makasalubong ko siya sa SC o kaya naman e nung limang beses kong magkakasunod na napanaginipan siya nang kalbo pa ako. Basta ang natitiyak ko, si Ryu Garai (Thunder Jet) pa rin ang first love ko.

***

Mabuti pa ang kotse, may insurance. Yung drayber tuloy, wala. Pag naaksidente, babay.

***

Kailangan mo ng insurance para may sumagip sa'yo sa aksidente. Pero maaksidente man o hindi, hindi na makababalik sa'yo ang kabuaan ng binayad mo. Pag ako naging Diyos, buburahin ko sa ibabaw ng lupa 'yang mga nasa Insurance Company na 'yan.

***

Sabik na sabik ako sa pag-file ng income tax ko kasi malaki raw ang makukuha kong kickback. Tumataginting na $6 ang income tax return ko. Katumbas ng isang roundtrip na bus papuntang Seattle.

***

Kung bakit ga-kulangot lang ang halaga ng aking ITR, tinanong ko sa matatanda. Sa retirement ko pa raw malalasap ang ligaya. Nakakawalang-gana na tuloy magseryoso sa paghahanap ng trabaho.

***

Ang kabalintunaan ng buhay. Noon walang oto, walang lisensya, meron lang trabaho. Ngayong full-tank, pwedeng-pwede nang makapasok sa kahit anong bar at umorder ng alkohol, wala namang mapasukang trabaho.

***

Mas malaking bilang ng dependent, mas maliit ang kaltas sa sweldo, at mas malaking kickback sa ITR. Kung ikaw ay babae, single, at walang trabaho, magpabuntis ka na lang. May rasyon ka pang gatas at pineapple juice buwan-buwan.

***

Kung ikaw ay isang terorista, ikasisiya mo siguro ang pagdalo sa Super Bowl kagabi. Naatake mo na ang kalaban nang walang kamalay-malay, nakalibre ka pa ng dinner na chicken wings. Mission (genocide) accomplished.

***

Kung gusto mong sumuka nang hindi nalalasing, magtimpla ka ng whiskey at Dr. Pepper Diet. Kung gusto mo lang sumuka basta, uminom ka ng Dr. Pepper Diet na may halong whiskey. Kung gusto mong sadistahin ang dila't bituka mo, uminom ka ng pinaghalong Dr. Pepper Diet at whiskey.

***

Hindi ko matapus-tapos ang binabasa kong Screwtape Letters ni Clive Staples Lewis. Akala ko nung una siya si C.S. Lewis na sumulat ng Chronicles of Narnia. Yun pala, siya nga talaga.

***

Inutusan akong magluto ng Lucky Me Pancit Canton pero sa halip, naghugas ako ng pinggan. Naalala ko bigla yung kaklase ko nung highschool na taga-tank saken dati sa Ragnarok Online. Kung nanganak at nag-asawa rin ba kaya agad ako, magiging magaling ba ako sa pagluluto ngayon?

***

May napanood ako kaninang video na project sa Pan Pil 17 ni Sir U. Isang MTV ng panggagagad sa "Hindi Ako Bakla" ni Michael V, pinamagatang "Sino Ba Si Bob Ong?" Dati pang sikat si BO pero bakit hindi man lang namin 'to ginawa dati.

Sino Ba Si Bob Ong MTV

Kwentong JJ (Jumping Jologs)

Bukas ang huling palabas ng Last Order sa Penguin sa Kublai's. Nagustuhan ko ang dulang ito ni Chris Martinez dahil marami akong natutunan. Mula sa chemical name ng ecstacy, sa iba't ibang drugs na binebenta ni Mike at mga epekto nito sa bumatak, ang kahiwagaan ng numerong 7, ang point of view ng mga nasa gray area ng sekswalidad (bakla at tomboy), hanggang sa pinaka-exciting na crash course sa jologs 101 ni Dina.

Bukas ang huling palabas ng Last Order sa Penguin at mukhang hindi ako makakanood. Ang tanging magagawa ko lamang ngayon ay muling paglimian ang aking naging pahayag ukol sa usapin ng jolog tatlong taon na ang nakararaan.

Coincidentally, na-encounter ko ang uring ito kamakailan lamang. Sila ang mga kabataang panay na naka-itim sa mga pa-concert sa week-long UP Fair. Sila ang attention-grabber pagsapit ng dilim dahil sa kanilang malawak na espasyong naookupa tuwing sila'y mag-mo-moshpit; the rest --- natataboy palayo, pagilid, paunahan depende kung saan nakapwesto. pagkatapos dikit-dikit na yan - shoulder to shoulder, sweet na sana dahil feeling close na kayo lahat kung hindi lang sobrang init. kaya naman ang pawis mo ay pawis ko na rin. actually, parang sumakay ka na rin ng rush hour sa MRT.

Jolog sila kung tawagin dahil sila'y nakaitim? Jolog sila dahil sila'y mabaho? Jolog sila dahil sila'y wild? Jolog sila dahil sila'y mga panget?

May nakita ako isang lalaki na naka-itim, marusing at mukhang mabaho, nakatsinelas, at talagang wild ang behavior. PERO hindi siya jologs. SIYA ay bungal. at nakita mismo ng dalawang mata ko nang siya'y humalakhak sa harapan ko.

May nakatabi naman akong isang dalagita. Siya'y naka-itim pero hindi siya marusing at mabaho. maayos ang kanyang buhok. May hawak siyang poster at tinitilian niya yung boyband na tumutugtog. Nilabas niya ang kanyang dalang teddy bear at hinagis ito sa harap. Nalaglag ang teddy bear sa sahig ng stage. dedma ang vox ng boyband. Umiyak siya. Hindi siya jologs. She's simply pathetic.

Ako'y hindi nakaitim pero ako'y nakatsinelas. Hindi ako nagsuklay at ang damit ko'y malinis na basahan. Lumabas ang Queso at ako'y kinilig. Tumugtog ang The Youth at ako'y tumili. Nagperform ang Urbandub at The Dawn at ako'y naki-sing-along at nagtatalon. Hindi ako bungal. Hindi ako umiyak. Pero gusto kong mag-headbang. Gusto ko maki-moshpit. Kung gayo'y ako'y isang jolog?

Suriin natin...

Alamat ng Dyolog, etc.
Sipi mula sa Pambihirang Buhay Naten...Pero Masaya (16 Marso 2005)

ANG AKING SAGOT SA TANONG TUNGKOL SA JOLOGS

alam natin kung ano ang stereotype ng mga dyolog kung tawagin. masyado ngang marami, mahaba, at malawak ang pwedeng ikabit sa mga binansagang ito. di ko na i-e-enumerate dahil magsasawa kayo sa dami. alam nyo na yon.*

PERO bakit may dyolog?

aha! simple lang ang sagot. dahil merong mga elistista.

kung di ako nagkakamali, nabanggit ni bienvenido lumbrera sa kanyang akda, na ang kulturang popular (pop culture) ay nilikha ng mga elite at makapangyarihan para sa konsumpsyon ng nakararami - ang mamamayan, ang masa.

kung susuriin ang papel na ginagampanan ng mga elitista sa lipunan, mahihinuhang sila ang naghaharing uri sa lipunan kaya't ang mga bagay-bagay sa paligid ay kung di man likha mismo ay may impluwensya ng mga elitista, i.e. ang kulturang popular ay nilikha ng elitista.

samakatuwid, ang pagpapalaganap ng salitang dyologs ay pakana rin ng mga elitista para ihiwalay ang mas mababang uri sa kanilang mga nakaaangat sa pamumuhay. lahat ng ayaw nilang katangian ay kanilang pinagsama-sama para ipakahulugan sa kanilang naimbentong salita na tinatawag na nga ngayong dyologs.

at dahil may dyologs, syempre may conyo. the former referring to the masses, the latter to them (elite). ang conyo naman ang perpektong kabaligtaran ng dyolog. subalit may kanyang hirit ding stereotype sa kanila ang masa.

kaya kung may magtatanong ng kahulugan ng dyologs, wag nyo nang sagutin. stereotyping ang isasagot nyo, pustahan tayo. sa panahon ngayon, hindi na uso ang stereotyping. marami na ang nakakapag-aral. marami na ang nakakakuha ng edukasyon. hindi na masasabing 'walang alam' ang mga tao sa paligid. kaya bawat isa, may kanya-kanyang opinyon sa mga bagay-bagay sa kanyang paligid. hindi na kailangan pang kopyahin, sundin, at magpaimpluwensya sa opinyon ng iba. you are entitled to your own opininon. (gaya ng ginagawa ko ngayon)

PERO...

Ano Nga Ba Talaga Ang Jologs?

sagot ko: WALA.

Bakit?

it's nonexistent. yes, it's an idea but an idea of just a certain group of people who prefer to call themselves "elite", and not everyone else's idea. therefore, it is unperceivable by the rest of the people which are "non-elite" as they prefer to call. the thing is, these people have been subjected to an illusion created by these so-called "elites". the illusion is a world of pop culture where people are classified either as an elite or a jolog. the former possessing great influence and authority; the latter, slave, or puppet... (na-overdose ng philosophical analysis... tsk..tsk..)

Ang dyolog ay isang alamat. Bow!

______________
*Refer to Last Order Sa Penguin, Dina's definition

Bukas ang huling palabas ng Last Order sa Penguin sa Kublai's at hindi ako makakanood because I don't have the guts huhuhu.