Barkada Pop

Abe: Ang trapik sa Cubao!

Jos: Palusot ka pa.

T-rex: Hindi nga.

Jos: Kung maaga ka, hindi ka aabutan ng traffic.

Abe: Fine. Ano’ng balita?

Jos: Si Kato sasali raw. Lumayo para mag-concentrate. Nang dalawin namin kahapon, ayun nagmumukok lang pala sa kanila ang loko.

Abe: Sira ulo.

T-rex: Order na.

Abe: Vodka tonic.

T-rex: Ako rin. Tsaka nachos.

Jos: Nakailan ka na? Baka wala kang pambayad ha? ‘Yung utang mo kay Pardo sa akin siningil.

T-rex: O relaks lang. May raket ata ako.

Abe: Talaga? Manlilibre ka ba ngayon?

T-rex: Hindi. Siyempre kelangan ko rin naman mag-ipon.

Jos: Sabihin mo kuripot ka lang.

T-rex: Ang sakit mo naman magsalita. Praktikal lang.

Abe: So kanya-kanya pala tonight?

Jos: Ganun na nga.

T-rex: Kumusta, Macbeth?

Abe: Eto panay ang gala. Kagabi nanggaling din ako rito. Dun nga lang sa kabilang block.

T-rex: Asenso ka na. Kelan ka pa nagkaroon ng barkada?

Abe: ’lul. Nanlibre lang yung kaklase kong galante. Siyempre libre dinner na. Kesa naman magtiyaga ako sa kanton ni Lucky.

Jos: Nagrereklamo na ba ang mga bulate mo?

Abe: Sinabi mo. Hindi pa dumarating yung allowance ko.

Jos: Di ba sa katapusan ka pa nakakasahod? E simula pa lang ng buwan ngayon a.

Abe: Pa’no ang daming gastusin.

T-rex: Gastusin? Sabi ko sa’yo mag-sachet ka na lang.

Abe: Sachet na nga. Pati toothpaste. Kung pwede nga lang pati bigas de-sachet na rin.

Jos: Talaga? Bago yun a.

Abe: Corny.

T-rex: Pabayaan mo na lang ‘yan. May taning na e.

Abe: O bakit? Sinusumpong ka na naman?

T-rex: Sinabi ko na kasing sumama na sa amin ni Kato sa bahay. Mas gusto raw mag-isa. Ang tigas ng ulo.

Abe: Naglaslas ka na naman ba? Sinabi ko na sa iyong hindi na uso ang Gillette ngayon.

Jos: Muntik lang.

Abe: At bakit na naman? Ano naman ba’ng natuklasan mo?

Jos: Wala.

T-rex: The Cycling.

Abe: Seryoso?

Jos: ‘Yung kay NV.

Abe: Oo? Pucha ako rin naman e.

Jos: Iba naman sa’yo.

Abe: Hoy ano’ng tingin mo sa akin abno? Tsaka akala mo hindi ko yun binabasa gaya ng pagbasa ng isang Zeus?

T-rex: Pati ba naman ikaw?

Abe: Bakit? Ikaw ba hindi?

T-rex: BS naman yan e.

Jos: Alin?

T-rex: Yung libro. Mapagpanggap lang ang bwakanang bidang ‘yun.

Abe: Bakit naman, The Catcher?

T-rex: Ano’ng nakakatuwa sa happy ending?

Abe: Hahahahaha!

Jos: Wala akong pakialam kung anong ending. Ang sa akin lang, yung sa Cycling.

T-rex: Okey. Sige.

Abe: Sorry.

T-rex: Gusto ko mag-sto.

Abe: Sama ako.

Jos: Runaway ba?

Abe: Heartless Girl!

T-rex: Kahit alin. Basta sto faraway.

Jos: E anlayo mo na naman sa inyo a.

T-rex: Mas malayo, mas okey. Wala nang balikan.

Abe: Ok ka lang?

T-rex: Hindi. Ayokong mapag-iwanan. Kaya aalis na lang ako sa paraang alam ko.

Jos: Imposible. Nasa Earth ka pa rin pag ganyan. Ba’t di mo subukan sa Mars?

Abe: ‘lul.

T-rex: Sige pero wag na sa Mars.

Abe: Wag na sa Milky Way.

T-rex: Saan? Andromeda?

Abe: Hahahahaha!

T-rex: Sama kayo?

Abe: Ayoko. Sobrang layo. Gusto ko pa makabalik.

T-rex: Nostalgia freak.

Abe: Bakit? Wala namang maganda sa kasalukuyan. Bakit pa ako maghahanap ng future kung saan man. Babalik na lang ako sa amin. Doon na ako tatanda at mamamatay.

Jos: Hindi ka magpapakamatay?

Abe: Ewan. Basta gusto ko makabalik sa pinagmulan.

T-rex: Good old brother, Abel.

Abe: Sino si Cain?

Jos: Sabihin mo Dr. J and Mr. Hyde.

Abe: ‘lul. Kanina mo pa ako tinitira a.

Jos: Pikon ka na?

Abe: Hindi. Sa tv lang ako napipikon.

T-rex: Ang saya-saya kaya ng noontime show.

Jos: Hindi, mas maganda ang mga asianovela.

Abe: Haynako. Wala nang mas gaganda pa sa Marimar.

T-rex, Jos, Abe: Hahahahahahaha!

Abe: Kainis.

T-rex: Akala ko ba walang tv sa inyo?

Abe: Oo buti na nga lang e. Kaso pag-uwi ko sa’min, wala namang drugs. Pinatulan ko na lang ang holy box.

Jos: Holy box?

T-rex: Nagsisimba ka pa ba pag Linggo?

Jos: Sabadista ‘yan.

Abe: Hindi. Hindi rin. Nagpapahinga ako.

T-rex: Ayos ka rin a. Baka maoverdose ka niyan.

Jos: Seryoso ba yan?

Abe: Pag hindi ka pa tumigil, ako na mismo maglalaslas ng kamay mo.

Jos: Salamat, ‘tol.

T-rex: Yosi lang ako sandali.

Abe, Jos: Lumabas ka, utang na loob!

T-rex: Mahal ko kayo, salu-salo tayo sa lung cancer.

Abe: Wala akong pang-ospital.

Jos: Libre mo ba?

T-rex: Mga gagu.

Abe: Ano’ng oras na?

T-rex: Oras na para magwalkout ka.

Jos: Ikaw ‘yung nahuling dumating, tapos ikaw pa ang mauunang umalis? Anlabo mo naman.

Abe: Ganun talaga.

T-rex: Salamat sa mga pinagsamahan.

Abe: Huwag mo akong ilibing ng buhay, kapatid.

T-rex: Isang round na lang. Toast tayo.

Jos: Para sa kabaliwan!

T-rex: Para sa katarantaduhan!

Abe: Para sa kinabukasan!

T-rex: Puta’ng trapo.

Abe: Para sa kaututan!

Jose: Anlabo mo talaga.

Abe: Ganun lang talaga e.

T-rex: Para sa kahayupan!

Jos: Para sa kabuktutan!

Abe: Para sa kaalipinan!

T-rex: Tsk..tsk..tsk...

Abe: Para sa katangahan!

T-rex: Para sa bangungot!

Jos: Para sa basura!

Abe: Para sa puta!

T-rex, Jos, Abe: TAGAY!

WAKAS